Поранешниот судија за поништениот гол на Барселона: Една од најголемите грешки што сум ги видел

Судиите во Ла Лига во последно време се премногу често на удар на критичарите и јавноста оваа, а за одредени ситуации може да се каже и заслужено.

Од коло во коло на терените ширум Шпанија се случуваат помали или поголеми судиски грешки, а изминатиот викенд судиската одлука да го поништи голот на Барселона во победата над Лас Палмас се најде на насловните страници во медиумите.

Рафиња постигна гол, а иако беше и „проигра“н во „офсајд“ од противнички играч, кој играше со топката, судијата одлучи да досуди недозволена позицција.

На оваа тема се огласи пензионираниот судија Матеу Лахоз.

„Поништениот гол на Рафиња е една од најголемите грешки што сум ги видел. Навистина е штета, лудо е што судијата реши да досуди недозволена позиција. Рафиња на ниту еден начин не учествуваше во таа акција, а топката дојде до него откако противникот претходно ја удри топката двапати и го смени нејзиниот правец. Се уште не ми е јасно како судиите донесоа одлука да досудат офсајд.“, изјави Лахоз.

Барселона победи во натпреварот, а на табелата на осум кола пред крајот Реал Мадрид има осум бода повеќе од каталонскиот гигант.