Дома Фудбал Покетино за прв пат го искритикува сопственикот на Тотенхем
Фудбал

Покетино за прв пат го искритикува сопственикот на Тотенхем

Од V. M.
Објавено на 23:57, 07 јануари

Менаџерот на Тотенхем, Маурисио Покетино откако го води лондонскиот клуб веројатно никогаш не дал поискрена изјава, барем не на тема политиката на клубското раководство.

Познато е дека Тотенхем претходното лето е единствениот тим кој не потроши ниту една фунта на засилувања, но и покрај тоа е трет на табелата. Покетино е реален и свесен дека овие резултати се можеби максималните за неговиот клуб.

„Во овој момент се изгледа фантастично, но ќе видиме дали ќе биде доволно да се бориме за титулата во наредните пет години.“

„После скоро пет години во клубот, можам да кажам дека сега е на друго ниво, но начинот на кој функционираме не се променил во тие пет години. Ако сакаме титули, мораме да работиме на друг начин.“

„Можеби можеме нешто и да освоиме, но тоа ќе биде многу тешко бидејќи сите останати во овие пет години напредуваа. Гледам дека во последната деценија на листата клубови кои трошеле пари на засилувања сме некаде на дното.“ – изјави Покетино.

Можеби ова беше индиректна порака на Покетино до челниците на клубот конечно да го ‘одврзат ќесето’ и да му овозможат засилувања, бидејќи на клубот му треба поголема ширина за да биде конкурентен до крајот.

Коментари
Прочитајте поврзани статии
Load More In Фудбал

Проверете

Станојевиќ со јасна порака до играчите: Прво почит кон грбот на Партизан!

Пред дуелот со Земун, тренерот на Партизан ги постави приоритетите: одговорност кон клубот…