Познат терминот за „Ел Класико“ – фановите разочарани!

Денес претседателот на шпанската лига го потврди терминот на првото „Ел Класико“ помеѓу Реал Мадрид и Барселона кое ќе се одигра на 3-ти декември.

Натпреварот е одреден да се игра во попладневните часови, поточно во 16:15 часот, а тоа навивачите ќе го дочекаат како големо разочарување, бидејки термонот е непопуларен.

Парите го издиктираа овој термин со оглед на тоа дека натпреварот ќе може да се гледа во пристојно време во САД, Јужна Америка, Кина и поголемиот дел од Азија.

„Овој термин двојно ни ги зголеми приходите”, вели првиот човек на Ла Лига, Хавиер Тебас.

Натпреварот посебно ќе биде интересен бидејки на табелата во Шпанија е доста густо по 7 одиграни натпревари. Лидер е Атлетико Мадрид со 15, исто колку што има и Реал Мадрид, а Барселона заостанува со два бода.