Јувентус внимателно ја следи ситуацијата со тренерот на Реал Мадрид, Зинедин Зидан и сака да го донесе во Торино.
Челните луѓе на „старата дама“ не кријат дека се незадоволни од работата на актуелниот тренер, Андреа Пирло, додека шпанските медиуми се убедени дека францускиот стручњак ќе си замине од „Сантијаго Бернабеу“ на крајот од актуелната сезона.
Весникот „АС“ пренесува дека Јувентус и француската репрезентација чекаат разврска во Мадрид, бидејќи сакаат да го ангажираат Зидан.
Доколку Зидан одлучи да замина на лето, ќе има две опции каде да ја продолжи кариерата. „АС“ тврди дека сепак е поблиску до Јувентус, бидејќи смета дека е рано за кормилото на репрезентацијата.
Зидан е во одлични односи со „старата дама“ и во постојан контакт со својот пријател Павел Недевед.
Учество во игри на среќа е дозволено за лица со 18+ години. Играј одговорно!