Познато кога ќе продолжи холандското дерби

Холандската фудбалска федерација го одреди датумот за продолжување на прекинатиот меч меѓу Ајакс и Феенорд.

Натпреварот беше прекинат во неделата во 56. минута кога при водство на Феенорд од 3-0 навивачите на Ајакс предизвикаа инциденти фрлајќи на теренот безброј факели и димни бомби.

Фудбалската федерација на Холандија соопшти вечерва дека натпреварот ќе продолжи в среда од 14 часот без навивачи на трибините, а дуелот меѓу Ајакс и Волендам, кој требаше да се одигра в среда, е одложен.

Ајакс најави дека ќе вложи жалбата на ваквата одлука, настојувајќи прекинатиот натпревар против Феенорд да биде закажан за почетокот на ноември, поради згуснатиот распоред.