Познати фаворитите за наследник на Пиоли

Милан во последно време западна во голема резултатска криза и веднаш се појавија шпекулации за смена на тренерот Пиоли.

„Росонерите“ се во серија од три порази во првенството, а во последните пет првенствени натпревари освоија само два бода и во овој момент се на делба на петтата позиција на табелата.

Раководството и понатаму му верува на Пиоли, но медиумуте тврдат дека на лето би можело да дојде до тренерска смена на „Сан Сиро“.

„Република“ пренесува дека има двајца фаворити за нов тренер на Милан, а тоа се Антонио Конте и Де Зерби.

Конте сигурно ќе го напушти Тотенхем и сака да се врати во Италија, но проблем може да биде неговата висока плата.

Де Зерби е хит во Премиер лигата на кормилото на Брајтон и клубот сигурно нема лесно да го пушти бидејќи има договор на уште две години.