Погледнете го славјето на Анчелоти по мечот со Севиља

Реал Мадрид доцна синоќа ја победи Севиља со 1:0. Натпреварот кој се играше во рамките на 26. коло во шпанската Ла Лига, го реши Лука Модриќ со одличен гол во 81. минута, само пет минути откако влезе на теренот како замена за Начо Фернандез.

Ова беше втор првенствен гол за Модриќ во сезоната, откако постигна гол во победата од 4:1 против Виљареал во декември.

„Совршено разбирам што може да мисли Модриќ кога не игра затоа што тоа и самиот го доживеав како играч. И покрај тоа, Модриќ не личи на играч кој влезе во 39 години. Го прославивме голот на Лука затоа што го заслужи. Постигна одличен гол и многу придонесе откако влезе во игра. Многу ми е тешко кога го чувам на клупата, но тој секој ден покажува дека е пример за целиот тим“, изјави тренерот на Реал, Карло Анчелоти, чие славје беше снимено од камерата по последниот свиреж на судијата.

Carlo Ancelotti’s reaction at fulltime. 😂🤍 pic.twitter.com/OKpz3LWyYg

— TC (@totalcristiano) February 25, 2024