Погба призна: Сонувам да играм во Реал Мадрид

Ѕвездата на Манчестер Јунајтед, Пол Погба призна дека негова најголема желба е да го облече дресот на Реал Мадрид.

Зинедин Зидан е голем симпатизер на неговите квалитети и сакаше да го доведе на „Сантиаго Бернабеу“, но не можеше да најде заеднички јазик со Манчестер Јунајтед.

Договорот на Французинот со „црвените ѓаволи“ истекува после една година, а тој признава дека сонува да се пресели во Реал Мадрид.

„Зидан? Сите ги слушнавме и прочитавме работите кои беа кажани. Реал Мадрид? Секој фудбалер би сакал да игра во Реал Мадрид. Да, сон ми е да играм во Реал Мадрид, зошто да не бидам таму еден ден?“, истакна Погба. 

„Читам многу работи за мојата иднина, се пишува дека ми е понуден нов договор, но вистината е дека се немам видено со Ед Вудворд. Нема никакви новости на таа тема“, откри Французинот.