Пирло: Јувентус оваа сезона изгуби премногу бодови на сличен начин

На Јувентус со Пирло сезонава не му оди, Скудетото е далеку, а клубот до крајот на сезоната го чека борба за место помеѓу најдобрите четири и пласман во Лигата на шампионите.

Вчера во градското дерби Јувентус одигра 2:2 со Торино, нормално Пирло не беше задоволен.

„Натпреварот добро започнавме. Го отворивме резултатот што е најтешко против екипи кои се ориентирани на одбраната. Самите си направивме проблеми. Очекувавме во второто полувреме работите да бидат поинакви, но ги повторивме грешките. И против Лацио направивме слична грешка, често ја губиме концентрацијата“.

„Фудбалерите на теренот ниту на секунда не смеат да ја изгубат концентрацијата затоа што тогаш ја губат и топката. Тешко се наоѓа слободен простор против екипи кои се бранат. Изгубивме многу бодови оваа сезона“, изјави Пирло.