Перфекција: Реал постигна гол за 47 секунди, а противникот не ја ни допре топката! (Фото+Видео)

Реал Мадрид во вчерашниот натпревар убедливо славеше против Реал Сосиедад со 5:2, а Кристиано Роналдо на критичарите им одговори со првиот хет-трик оваа сезона.

„Кралевите“ до водство стигнаа уште во првата минута кога Лукас Васкез погоди за 1:0 по асистенцијата од Роналдо. Првиот погодок беше постигнат после само 47 секунди игра, а фудбалерите на Реал Сосиедад се уште ја немаа ниту допрено топката.

Роналдо го изведе почетниот удар од центарот, а после 13 додавања ја прими топката на работ на шеснаесетникот и ја испрати на 11 метри од каде што Лукас погоди за водство. Интересно е што топката на ја допреа сите фудбалери на Реал освен Марко Асенсио.