Дома Фудбал Перез: Немаме намера да застанеме, одиме по нова титула
Фудбал

Перез: Немаме намера да застанеме, одиме по нова титула

Од V. M.
Објавено на 22:35, 22 април

Претседателот на Реал Мадрид, Форентино Перез најави дека неговиот тим ќе направи се за да дојде до нова титула во ЛШ.

Кралевите во полуфиналето ќе играат против минхенски Баерн. Иако ги чека тешка задача Перез тврди дека тимот ќе даде се од себе да дојде до 13. наслов во ова натпреварување.

“Имаме шанса да ја испишаме историјата со трета последователна титула во Лигата на шампионите. Ние ќе направиме се да дојдеме до неа и да го направиме она што никој не успеа”, изјави Перез и додаде:

“Освоивме три титули ЛШ во последните четири години, но немаме намера да запреме. Имаме голема мотивација и сакаме нов трофеј, иако ќе играме во полуфиналето со многу добар тим.”

Првиот човек на Реал е убеден во триумфот над Баерн, а посебно го потенцира Зидан како главна причина за добрите игри.

“Го познаваме добро Баерн. Тоа е еден европски гигант, но нашите играчи ќе ја остават душата на теренот. Имаме тренер кој е неверојатен и јас сум убеден дека тој ќе направи се што е во негова моќ за да се донесе нов трофеј и  Реал да стане уште полегендарен.”

 

Коментари
Прочитајте поврзани статии
Load More In Фудбал

Проверете

Овоно доби 12 меча суспензија по кобниот судир со Де Мигел

Голманот на Андора ја доби максималната дисциплинска казна по стартот врз напаѓачот на Тен…