Пеп потврди: Манчестер Сити без Халанд во еден од најважните натпревари во сезоната

Менаџерот на Манчестер Сити, Пеп Гвардиола денеска потврди дека Ерлинг Халанд не е подготвен за претстојниот дуел со Брајтон.

На прес-конференцијата каталонскиот стратег соопшти и добри вести, а тоа е дека Фил Фоден и Џон Стоунс се опоравиле од полесните повреди.

“Халанд нема да биде во тимот. Повредата не е сериозна, сепак не е доволно подготвен за утре. Но, Фоден и Стоунс се враќаат во тимот и можеме да сметаме на нив”, изјави Пеп.

Не штедеше Гвардиола пофалби и за колегата на спротивната страна, Роберт Де Зерби.

„Го заокружив Брајтон на гости како еден од најтешките натпревари во сезоната. Брајтон игра неверојатен фудбал и нема да ни биде лесно“, изјави Пеп.

Натпреварот Брајтон – Манчестер Сити е закажан за утре од 21:00 часот.