Пандев и Џенова елиминирани од третолигаш, па останаа без тренер (видео)

Тимот на Џенова доживеа непријатна елиминација во Купот од третолигашот Виртус Ентела после изведувањето на пенали.

Во регуларниот дел беше 2:2, а после 120 минути игра мечот заврши 3:3, па победникот беше решен после изведување на пенали.

За домаќините промаши Лападула во одлучувачката серија, па Џенова доживеа елиминација. Нашиот репрезентативец Горан Пандев влезе во игра во 58-та минута, но не шутираше во пенал серијата.

После натпрварот Џенова веднаш му врачи отаз на тренерот Јуриќ, а италијанските медиуми пренесуваат дека утре ќе биде назначен Прандели за нов тренер.