ОФИЦИЈАЛНО: Работнички ја наполни касата, Тошевски е нов играч на Ростов!

Работнички уште една голема зделка – Давид Тошевски е нов играч на Ростов.

18 годишниот Тошевски се сели во Русија каде што ќе настапува за Ростов. Со рускиот клуб Тошевски потпиша договор на пет години, а Работнички ќе добие сума помеѓу 800.000-900.000 евра што е одлично за наши услови.

Во првата македонска фудбалска лига Тошевски одигра 21 натпревар за Работнички, постигна пет гола и додаде три асистенции.

Ќе потсетиме пред неколку години од Работнички директно во Фенербахче трансфер направи Елиф Елмас кој денес игра во Наполи.

Треба да споменеме дека Тошевски во овој момент ќе биде единствениот Македонец во руската лига.