Официјално: Поранешниот играч на Барса и Реал нов тренер на Валенсија

Валенсија денес изненадувачки го отпушти Марселињо.

Овој 54 годишен Шпанец во 2017 година седна на клупата на Валенсија и минатата сезона оствари одличен резултат откако со клубот избори место во Лигата на шампионите и го освои шпанскиот куп.

Сепак изгледа дошло до конфликт со сопственикот на Валенсија Питер Лим па доби отказ.

Марселињо освен Валенсија во кариерата ги водеше уште Спортинг, Рекреативо, Расинг, Сарагоса, Севиља и Виљареал.

Клубот од „Местаља“ брзо пронајде замена за Марселињо и за нов тренер го именуваше Алберт Селадес.

Поранешниот играч на Барселона и Реал Мадрид ја водеше младата репрезентација на Шпанија, но кога станува збор за клупските ангажмани овој му е прв во кариерата.

COMUNICADO OFICIAL | Albert Celades https://t.co/kJLtFCWU56

— Valencia CF ?? (@valenciacf) September 11, 2019