Официјално: Милан доби нов извршен директор

Поранешниот функционер на Арсенал Иван Газидис денес е именуван за извршен директор во италијанскиот фудбалски клуб Милан.

Како што пренесуваат италијанските медиуми, одлуката е соопштена на денешниот состанок со управата на Милан, а Газидис потпиша договор до 30 јуни 2020 година.

Управата на Милан наведе дека доведувањето на Газидис е јасен знак за клупските амбиции.

„Задоволни сме со неговото именување. Тоа е јасен занк дека новите сопственици имаат важни цели кои сакаат да ги исполнат“, се наведува во соопштението на Милан.

Газидис (53) во Арсенал како извршен директор помина 10 години.

BREAKING: Ivan Gazidis confirmed as @acmilan's new chief executive in board meeting today #SSN pic.twitter.com/ru5hpVvblH

— Sky Sports News (@SkySportsNews) December 5, 2018