Официјално: Бобан Марјановиќ се врати во Европа!

Бобан Марјановиќ денес и официјално се врати во Европа каде што ќе го носи дресот на турскиот гигант Фенербахче.

Ваквиот епилог беше најавен уште во текот на вчерашниот ден, а денеска клубот од Истанбул потврди со објава на официјалните канали.

На официјалниот сајт на турскиот евролигаш се наведува дека Фенерабахче потпишал едногодишен договор со 36-годишниот центар кој во претходните девет години играше во НБА лигата.

„Се надеваме дека овој договор ќе биде од корист за нашиот клуб и Бобан Марјановиќ, веруваме ќе имаме сезона полна со победи во темно-синиот дрес“, порачаа од Фенер.