Откриено колку добива Игало за секој гол во Манчестер Јунајтед

Нигерискиот напаѓач Одион Игала во јануари направи изненадувачки трансфер во Манчестер Јунајтед.

Игало дури и се откажа од 40% од својата плата која ја заработуваше во Кина само за да се пресели на „Олд Трафорд“.

Меѓутоа, во договорот на 30-годишниот напаѓач има вклучено и бонуси кои денес ги објавија медиумите на Островот.

Имено, Игало добива по 8.000 фунти за секој постигнат гол во Манчестер Јунајтед, а тоа значи дека до овој момент тој добил 32.000 фунти за четирите гола.

Бившиот напаѓач на Ватфорд исто така добива и 9.000 фунти за секоја победа на „црвените ѓаволи“, а 3.000 при реми, но само доколку забележи настап во тој натпревар.