Одлични вести за Милан, се враќа Мањан

Добри вести пристигнаа за Милан и за тренерот Стефано Пиоли пред клучните натпревари сезонава.

Имено, првиот голман Мајк Мањан се опорави од повредата и почна да тренира со остатокот од тимот.

Францускиот голман имаше операција на зглобот на почетокот на октомври и се очекуваше да се врати на терените дури во јануари.

Меѓутоа, Мањан се опорави побрзо од очекуваното и веќе почна со целосни тренинзи.

Италијанските медиуми пренесуваат дека за десетина дена голманот ќе биде спремен за настап, што е одлична вест за Стефано Пиоли, бидејќи вториот голман Татарушано не се покажа како достојна замена.