Објавена листата на најплатени фудбалери во Серија А

Порталот „Тутомеркато веб“ објави листа од најплатени фудбалери во италијанската Серија А и на врвот е Лукаку и двајца фудбалери на Јувентус.

Јувентус веќе три години не игра според очекувањата, но се уште е клуб кој троши најмногу пари за плати на фудбалерите.

Водечкото трио го сочунуваат Душан Влаховиќ и Адриен Рабио од Јувентус, како и Ромелу Лукаку од Рома, кои заработуваат по седум милиони евра годишно.

По нив следува Војчех Шченсни со 6,5 милиони, а по 6 милиони земаат Хакан Чалханоглу, Лаутаро Мартинес, Маркус Турам од Интер и Алекс Сандро од Јувентус.

Веднаш зад нив е Бастони од Интер со 5,5 милиони евра годишна плата, а зад него следат Барела и Павар (Интер), Киеза и Бремер (Јувентус), како и Рафаел Леао (Милан).