Обамејанг: Имам незавршена работа во Премиер лигата

Пјер-Емерик Обамејанг се врати во Премиер лигата и повторно ќе игра во Лондон, овој пат во дресот на Челзи.

„Сините“ летово останаа без Тимо Вернер и Ромелу Лукаку, па го привлекоа Обамејанг од Барселона.

33-годишниот напаѓач потпиша двегодишен договор и не го криеше задоволството што се враќа во Премиер лигата.

„Многу сум среќен. Чест е да се биде дел од овој тим и едвај чекам да започнам. Имам незавршена работа во Премиер лигата, па возбудливо е да се вратам“, изјави Обамејанг.

Челзи плати 12 милиони евра обештетување и му го раскина договорот на Маркос Алонсо, кој сега како слободен агент ќе се пресели во Барселона. 

Our newest recruit, Pierre-Emerick Aubameyang! 😎 #AubameyangIsChelsea pic.twitter.com/ptrjqecDz2

— Chelsea FC (@ChelseaFC) September 1, 2022