Нов удар за Јуве: Ги загуби Дани Алвеш и Бонучи!

Јувентус викендов доживеа изненадувачки и болен пораз на гостувањето кај Џенова (3:1), но резултатот не беше единствена лоша вест за „бјанконерите“.

Имено, на овој натпревар повреди заработија Дани Алвеш и Бонучи кои се приклучија на „болницата“ во тимот на Алегри.

Поранешниот дефанзивец на Барселона беше изнесен на носилки на 14 минути до крајот на мечот, а подоцна беше констатирано дека има скршеница на метаторзалната коска на стапалото, па ќе мора да паузира најмалку 3 месеци.

Што се однесува до Бонучи тој го повреди бутниот мускул, а „бјанконерите“ се надеваат дека ќе може да се врати на терените на 23-ти декември за Суперкупот на Италија против Милан.