Ново правило во Англија: Црвен картон за кашлање кон противникот

Раководството на англиската Премиер лига објави нови упатства за судиите пред почетокот на новата сезона.

Нешто повеќе од еден месец остана до почетокот на новата сезона, а веќе се работи на нови правила  кои ќе важат од сезоната 2020/21, а посебно се поврзани со пандемијата на Ковид-19.

„Судијата мора да биде сигурен дека некој намерно во лице му кашла на противникот. Ако инцидентот не бил доволно сериозен за исфрлување од игра, ќе следи судиско предупредување“, соопштија од Фудбалската асоцијација на Англија.

Предвидено е правилото со пет замени на меч да се задржи и понатаму, што е добра вест за премиерлигашите, кои ќе имаат голем број на натпревари и следната сезона.