Никој како Нејмар од почетокот на сезоната

Нејмар, за кој летово имаше шпекулации дека ќе го напушти Пари Сен Жермен, има феноменален старт на сезоната и е најдобар играч во Топ 5 европските лиги.

Статистиката покажува дека Бразилецот веќе има 7 гола и 6 асистенции. Од нив, 5 гола се во првенството – најмногу во водечките првенства на Стариот континент. Останатите 2 гола се од финалето за Суперкупот на земјата.

Во просек, поранешниот играч на Барселона упатува три шута кон голот по натпревар, што е помалку од оние како Меси (4,3), Мбапе (6), Бензема (6), Левандовски и Дарвин Нуњез (по 4,5).

Статистичката платформа „WhoScored“ го оценува досегашниот настап на Нејмар со 9,53 од максимални 10, што е бр.1 во цела Европа.

На почетокот на трансфер пазарот се шпекулираше дека ПСЖ сака да се ослободи од Бразилецот, кој наводно не е во добри односи со Мбапе, но Нејмар одговори со феноменални игри на теренот.