„Никогаш нема да ги заборавам зборовите на Бензема“

Карим Бензема веќе цела деценија е помеѓу најдобрите напаѓачи во светот, но го нема во репрезентацијата на Франција.

Дидие Дешамп веќе пет години не смета на Бензема, а главната причина е добро позната, случајот со Валбуена. Меѓутоа дополнително влијаеало и тоа што Бензема во една прилика изјавил дека расистичкиот дел на Франција го натерал Дешамп да не го повикува во репрезентацијата.

„Остана лузна. Дури и ако од време на време малку зборува, јас не заборавам. Не е само до тоа што го кажа, туку и до последиците кои ги имаше моето семејство. Нормално е да се критикува селекторот поради тактиката или нешто слично, но тој ја премина линијата. Сето тоа влијаеше на мене и моето семејство. Ги трпам последиците, не можам да заборавам и никогаш нема да заборавам тие зборови“, изјави Дешамп.