Не го пропуштајте ракометниот расплет: Данска и Шведска можат да си го наместат натпреварот!

Во групата 2 од Светското првенство ќе биде посебно интересно.

Во таа група се наоѓаат Данска, Шведска, Норвешка, Унгарија, Египет и Тунис, а прашањето за место во полуфиналето за разлика од групата 1, се уште не е решено.

Данска во овој момент е лидер со осум бодови, додека зад неа се Шведска и Норвешка со по шест. Данска ја победи Норвешка, а Норвешка Шведска. Доколку вечерва Норвешка ја победи Унгарија, а Шведска Данска тогаш три репрезентации би имале осум бодови и би одлучувала гол-разликата.

Треба да се каже дека Норвешка пред натпреварот Данска – Шведска игра против Унгарија, а дури би можеле да испаднат во случај на победа. Би испаднале ако Данска изгуби од Шведска со два гола разлика ( и да постигне најмалку 30 голови) или во случај Данска да изгуби со три, четири или пет голови разлика ( и да постигне барем 27 голови). Тогаш и Шведска и Данска би оделе понатаму, а Норвешка би испаднала.

Многумина сметаат дека Данците и Швеѓаните би можеле да договорат ваков расплет, а тоа најмногу стравуваат Норвежаните. По тој повод за данските медиуми зборуваат Хенрик Молигард.

„Нема проблем, ќе ги испратиме Норвежаните дома. Нив и онака никој не ги сака. Норвешка нека оди дома“, изјави Молигард.