Некој ја уништува Барселона со откривање доверливи информации: Нова жртва е Ансу Фати

Барселона во последно време има многу проблеми со „кртови“ внатре во клубот.

Пред неколку дена Ел Мундо имаше детали од договорот на Лео Меси вреден 555 милиони евра, што предизивика бурни реакции, а денеска се појави уште една доверлива информација од клубот.

Овој пат жртва е младиот Ансу Фати. Откриено е дека младата надеж на Барселона имал уште една операција на коленото во јануари и тоа поради опоравувањето од првата операција кое не поминало најдобро.

Информацијата за неговото бавно опоравување прво ја објави мадридски АС, а ТВ3 денеска откри дека имало и втора операција и дека постои можност за трета.

Очигледно е дека во каталонскиот клуб постои „крт“ и неверојатно е како вакви информации лесно излегуваат во јавноста.

Фати во ноември ги повреди лигаментите на левото колено и веднаш заврши на операција, но веројатно не била добро направена и не можеше да се врати на нормален тренажен процес.