На почетокот на годината му беше откриен рак, а во четврток може да заигра за Манчестер Јунајтед

Mладиот фудбалер на Манчестер Јунајтед Макс Тејлор (19) ќе биде во комбинација за настап против Астана.

„Црвените ѓаволи“ во четврток гостуваат кај Астана во Лига Европа, а на воодушевување на спортската јавност Оле Гунар Солскјер за овој натпревар го повика Макс Тејлор.

Тејлор влезе во тимот на Јунајтед само 12 месеци откако го започна лекувањето со хемотерапија.

Сега во четврток може да заигра против Астана во ЛЕ. Претходно во октомври Тејлор веќе настапи на натпревар во тимот на Јунајтед до 23 години.