На ден пред „Ел Класико“ променет главниот судија

Викендов на програмата е големото шпанско дерби помеѓу Реал Мадрид и Барселона, а на еден ден пред „Ел Класико“ се случи промена на главниот судија.

Имено, Матео Лахоз се повреди за време на натпреварот од Лигата на шампиони меѓу Баерн Минхен и ПСЖ, па нема да може да суди на големото дерби.

Тоа што предизвика голема бура е неговата замена, а станува збор за Хесус Хил Мансано, кој е омразен меѓу навивачите на каталонскиот тим, бидејќи немаат добри искуства со него.

Дополнителен револт постои и поради фактот дека Мансано се сликаше со дресот на Реал Мадрид, а потоа испадна дека тоа бил подарок за неговата внука.