Најскапата продажба во историјата на Манчестер Сити: Детали од трансферот на Алварез

Трансферот на Аргентинецот, Хулијан Алварез од Манчестер Сити во Атлетико Мадрид е договорен и се би можело да биде многу брзо потврдено.

Италијанскиот експерт за трансфери, Фабрицио Романо објави и детали од зделката која ќе биде најскапата продажба во историјата на Манчестер Сити.

Манчестер Сити од Атлетико веднаш ќе добие 75 милиони евра, додека уште 20 ќе биде исплатени преку одредени бонуси. Во овој момент рекордот за најскапо продаден играч од редовите на „граѓаните“ го држи Рахим Стерлинг со 56 милиони евра.

Алварез има 24 години и во кариерата веќе ги освои најважните трофеи, а главната причина поради која заминува од Манчестер Сити е слабата минутажа.