Најпотценетиот напаѓач стигна до 16 голови и 11 асистенции

Meнаџерот на Ливерпул Јирген Клоп го пофали својот напаѓач Дарвин Нуњез откако Уругваецот одигра уште еден ефикасен натпревар.

Нуњез беше воен стрелец против Спарта Прага на гости во првиот натпревар од 1/8 финалето во Лигата на Европа. „Црвените“ овој натпревар го добија со убедливи 5:1.

Сега Нуњез дојде до бројката од 16 голови оваа сезона во сите натпреварувања, а има и 11 асистенции, па така со вакви бројки сите критики на негова сметка немаат смисла.

„Него тоа не го допира, тој само продолжува да работи напорно“, изјави Клоп.

Нуњез игра во најдобра форма откако е во Ливерпул и постигна пет голови на последните четири натпревари. За Нуњез ова е втора сезона на „Енфилд“.

„Има апсолутно повеќе од добра сезона, мораше да се прилагоди, но сега тоа заврши и се чувствува комотно во екипата. Сака да игра во клубот и заедно со останатите момци, неговиот квалитет сега доаѓа многу повеќе до израз“, изјави Клоп.

Германскиот стратег верува дека Нуњез ќе биде уште подобар.

„Дали е сега на врвот на кариерата?За нас не . Но, може да биде уште подобар. Дали е констатна закана за противниците? Да“, јасен беше Клоп.