Најдобрата македонска фудбалерка потпишува нов договор со Леванте!

Најдобрата македонска фудбалерка, Наташа Андонова и во наредниот период ќе остане дел од тимот на Леванте.

Договорот на Андонова со Леванте истекуваше на крајот од актуелната сезона, а двете страни се договориле за потпис на нова соработка. Македонската фудбалерка ставила потпис на договор до 2024 година.

Во него според информациите нема посебни клазули. За Леванте Андонова игра од 2019 година, а сезонава и повеќе пати ја носеше капитенската лента на клубот од Валенсија.

Ќе потсетиме претходно во кариерата Андонова настапуваше за ПСЖ, Барселона, Розенгард, Туртбине, Потстам, а во Македонија беше дел од Борец и Тиквешанка.