Натпреварите на Македонија во квалификациите за ЕП со пренос на МТВ!

Македонија наскоро ги започнува квалификавиите за Европското првенство 2024 година, а првиот противник ќе ни биде Малта на 23-ти март.

Денска од националниот сервис потврдија дека натпреварите на Македонија во овие квалификации ќе се емитуваат на МТВ, па ова секако е добра вест за љубителите на фудбалот во нашата држава.

Покрај Малта, во нашата група се уште Англија, Италија и Украина, па така патот до пласман на на уште едно ЕП преку квалификациите ќе биде и тоа како тежок.

Ќе потсетиме до крајот на месецот, покрај дуелот со Малта, Македонија четири дена подоцна во Скопје ќе го искористи слободниот термин во репрезентативната пауза за контролен натпревар со Фарски Острови.