Наинголан за тешката ситуација: Сопругата боледува од рак, се плашам да одам до продавница

Раџа Наинголан кој е на позајмица во Каљари од Интер освен коронавирусот дополнителна грижа во овие моменти му е неговата сопруга која боледува од рак.

Сопругата на Наинголан се бори со ракот, па Наинголан стравува од коронавирусот кој направи хаос во Италија.

„Коронавирусот е голем проблем, се зборува само за тоа. Болниците се избегнуваат, а терапиите малку се одложуваат. Се надевам дека ова ќе се реши што побрзо бидејќи Клаудија има слаб имун систем“.

„Сега кога одам во продавница постои ризик да се заразам со вирусот. Кога ќе стигнам дома се плашам да не и го пренесам на неа, но многу сум вниматален и мислам дека засега се е во ред. Веќе поминавме низ најтешкиот период и верувам дека одиме во вистинска насока“, се надева Наинголан.