Навивачите бесни: Двајца фудбалери на Баерн по поразот од Мајнц си отпатуваа да гледаат Милан – Лече

Милан во рамките од Серија А вчера го победи Лече со 2:0, а овој натпревар го следеле и двајца фудбалери на Баерн Минхен.

На трибините во Милано биле забележани Лукас Ернандез и Бенџамин Павар. Лукас на трибините веројатно беше да го гледа својот брат, додека Павар им правеше друштво на своите соиграчи од репрезентацијата.

Но, ваквиот потег за голем дел од навивачите на Баерн е несериозен, двајцата во Милано отпатувале во време на голема криза која го тресе гигантот од Минхен. За викендот клубот претрпе пораз од Мајнц со 3:1 со што го загуби лидерското место во Бундеслигата.

Нивното патување по овој пораз дополнително ја зголемило тензијата во соблекувалната која настана со отказот на Нагелсман, па потоа и елиминациите од Купот и Лигата на шампионите.