Мурињо распали по новинарите: Каде сте Ајнштајни!

Пол Погба ова лето пристигна во Манчестер Јунајтед за 110 милиони евра и стана најскапиот играч во историјата, но веднаш стана мета на критики поради слабите партии.

Откако Погба синоќа одигра одличен меч постигнувајќи два гола, Мурињо едвај дочека да им одговори на поедини новинари кои го критикуваа Французинот.

„Вие од медиумите, не сите, сте Ајнштајни. Во вашите мозоци Погба за 48 сати од катастрофален стана одличен играч“, се обрати Мурињо во свој стил.

„За разлика од вас, јас знам дека е многу добар фудбалер, но дека му е потребно време за да го покаже својот потенцијал бидејќи доаѓа од италијанското првенство, а таму се игра сосема поинаков фудбал. Различен е интензитетот и му треба време да се адаптира. Пишувавте дека е во депресија поради критиките, но тоа не е вистина, Пол е смирен и весел“, додаде Мурињо.