Михајловиќ пред дуелот со Инзаги: Секогаш губеше во облозите и ми полнеше гориво

Екипата на Болоња утре ќе гостува кај Лацио во Рим и тоа ќе биде дуел на двајца поранешни соиграчи, Синиша Михајловиќ и Симоне Инзаги.

На прес-конференцијата пред овој натпревар Михајловиќ зборуваше за минатото и раскажа една интересна анегдота. Имено, Инзаги обожувал да се обложува со Миха, но не бил баш добар па често пати плаќал гориво.

„Инзаги сакаше да се обложува, меѓутоа секогаш губеше. Не ме победил во ниту еден облог и секој недела ми полнеше гориво“, изјави српскиот стратег.