Милан ја сака ѕвездата на Барселона

Милан е силно заинтересиран за крилниот напаѓач на Барселона, Рафиња, пренесуваат италијанските медиуми.

Рафиња ова лето дојде како големо засилување во Барселона за 65 милиони евра, меѓутоа Каталонците не се задоволни од неговиот допринос и како се вклопи во тимот, па се спремни да го продадат.

Милан внимателно ја следи ситуацијата бидејќи приоритет на „росонерите“ е големо засилување на десната крилна позиција.

Малдини го следеше Бразилецот уште додека играше во Премиер лигата, па наскоро ќе стапи во контакт со неговиот агент.

Италијанскиот шампион е спремен да понуди 50 милиони евра за неговиот потпис, а Пиоли сака да има тандем на крилните позиции Леао – Рафиња.