Дома Топ вести Милан не се откажува: Откриена главната трансфер цел на „росонерите“

Милан не се откажува: Откриена главната трансфер цел на „росонерите“

0

Милан минатото лето се обиде да го донесе Сергеј Милинковиќ-Савиќ во своите редови, но српскиот репрезентативец на крајот остана во Лацио.

Познато е дека спортскиот директор на „росонерите“, Леонардо е голем симпатизер на играта на Милинковиќ-Савиќ и ќе направи се за да го донесе на „Сан Сиро“.

Медиумите на Апенините открија дека Милан минатото лето понудил 120 милиони евра за Србинот, но претседателот на Лацио ги одби сите понуди и на крајот Милинковиќ – Савиќ потпиша нов договор со римскиот клуб.

„Калчомеркато“ пренесува дека СМС останува главна трансфер цел на Милан за следното лето. „Росонерите“ ќе прават реконструкција на средниот ред и сакаат да донесат две големи засилување во таа зона.

На Монтоливо, Бертолачи и Хосе Маури им истекуваат договорите и сигурно ќе го напуштат „Сан Сиро“. Бакајоко стана важна алка во тимот на Гатузо и најверојатно ќе биде откупен, но главната цел останува Сергеј Милинковиќ-Савиќ.

Леонардо е во постојан контакт со неговиот агент Матија Кежман и веќе работи на трансферот со цел да ја победи конкуренцијата бидејќи за Србинот силен интерес покажуваат уште Јувентус и Пари Сент Жермен.

СМС оваа сезона игра под сите очекувања и јасно е дека и самиот ќе сака промена на средината, но „росонерите“ се надеваат дека после слабата сезона неговата цена ќе падне и дека ќе можат да го договорат трансферот за цела под 100 милиони евра.

Коментари
Advertisements
Прочитајте поврзани статии
Load More In Топ вести

Проверете

Фелипе Кутињо пристигна во Минхен!

Баерн Минхен многу брзо ќе добие големо засилување, откако Фелипе Кутињо денеска пристигна…