Милан го договори „бисерот“ на Црвена Звезда

Милан и Црвена Звезда постигнале начелен договор за трансфер на талентираниот напаѓач Марко Лазетиќ, пренесуваат италијанските медиуми.

Лазетиќ има само 17 години и оваа сезона запиша неколку меча за првиот тим на Црвена Звезда, но тоа беше доволно за да го приметат скаутите на италијанскиот гигант.

Станува збор за талентиран напаѓач, кој го привлече вниманието со двата гола против Зенит во младинската Лига на шампиони.

Милан за неговиот потпис со вклучени бонуси ќе плати 6 милиони евра и сака трансферот да го комплетира до крајот на јануари.

Лазетиќ во следните денови треба да пристигне во Милано на лекарски прегледи и да стави потпис на 4 и пол годишен договор.

🚨 Milan have picked the potential replacement of Pellegri: Serbian forward Marko Lazetic of Crvena zvezda. Milan offered €5M to sign him in January

[@TuttoMercatoWeb] pic.twitter.com/iMa0P6sZ0L

— Milan Eye (@MilanEye) January 22, 2022