Металург немоќен, прими 40 гола од Чеховски Медведи

Tимот на Металург денес беше декласиран на гости против Чеховски Медведи со 40:27 во рамките од 6. коло во Европската лига.

Јасно беше дека со 11 ракометари во составот Металург тешко ќе направи нешто повеќе.

Победникот брзо решен, после почетните 3:3 Чеховски направија серија од 8:1 и водеа со 11:4. После 21 минута домаќинот направи и предност од 10 гола разлика (17:7). На полувреме се замина со резултат 22:11.

Во продолжение не видовме ништо поразлично, Чеховски немаа никакви проблеми и го приведоа мечот кон крајот. Може да се каже дека нападот на Металург за нијанса беше подобар, меѓутоа одбраната беше проблем за тимот од Автокоманда.

Најефикасни беа Поповиќ, Рниќ и Хорват со по шест гола.