Марота: Дибала? Веќе имаме многу силен напад

Генералниот директор на Интер, Бепе Марота денес зборуваше на пресконференција заедно со тренерот Симоне Инзаги.

Неизбежно новинарите го прашаа за Пауло Дибала за кого веќе подолго време се шпекулира дека ќе потпише за Интер.

Дибала во моментов е слободен агент, се чинеше дека е на чекор од потпис во Интер, но откако пристигна Лукаку преговорите се во застој.

„Дибала е дел од таа група на фудбалери кои се слободни агенти, па поради тоа беше една од опциите. Никогаш не се случило толку добри фудбалери да се слободни и без клуб, но тоа е доказ дека фудбалот се менува“.

„Јас имам одличен однос со Дибала и за нас тој претставуваше добра можност, но имаме многу напаѓачи. Нашиот напад во моментов е многу силен, имаме голем избор на врвни напаѓачи“, истакна Мората.

Со ова Мората индирекно потврди дека клубот најпрво треба да се ослободи од Санчез и Џеко за да потпише со Пауло Дибала.