„Марка“ тврди: Деновите на Иско во Мадрид се избројани!

Плејмејкерот на „кралевите“, Иско со едната нога е надвор од Реал Мадрид, пренесува доброинформираната „Марка“.

Иско многу ретко добива шанса кај тренеротр Солари, а во средата на мечот против ЦСКА Москва го навлече гневот на фановите. Имено, тој одби да ја носи капитенската трака, а камерите го уловија како се расправа со публиката.

„Марка“ тврди дека и Реал е изморен од целата ситуација и Перез размислува да го продаде Иско, па неговите денови на „Сантиаго Бернабеу“ се одбиени.

За плејмејкерот има многу заинтересирани клубови, но проблем е што никој не е спремен да ја плати сумата од 100 милиони евра, колку што бараат „кралевите“.

Јувентус и Манчестер Сити покажуваат најсилен интерес за Шпанецот, сепак многу поголема е веројатноста трансферот да се случи на крајот на сезоната, отколку во зимскиот преоден рок.