Манчестер Јунајтед планира голема распродажба

Манчестер Јунајтед планира голема распродажба на играчите во зимскиот преоден рок, пренесуваат медиумите на Островот.

Имено, на списокот за продажба се наоѓаат седум фудбалери кои можат да го напуштат „Олд Трафорд“ во зимскиот преоден рок.

Тука се играчи кои подолго време се на излезна врата како Дони ван де Бек, Џеси Лингард, Фил Џонс и Ерик Баи, но има и играчи како Ентони Марсијал како и двата бека Диого Далот и Алекс Телеш.

Се работи за играчи на кои Солскјер нема да смета многу во продолжението од сезоната, па „црвените ѓаволи“ наскоро ќе имаат средба со нивните агенти.

Со продажбата на овие играчи Манчестер Јунајтед сака да има буџет за нови засилувања, а прва желба е Деклан Рајс од Вест Хем.