Македонија против Ерменија сака прва победа по 11 месеци

Фудбалската репрезентација на Македонија вечерва од 20:45 часот ќе игра против Ерменија во рамките од второто коло од Лигата Нации.

Македонија е без победа 11 месеци, а во првото коло не победивме и против Фарски Острови на гостински терен, па затоа од исклучителна важноста е вечерашниот меч.

Селекторот Благоја Милевски на вчерашната прес-конференција истакна дека очекува токму дуелите со Ерменија да бидат клучни во битката за првата позиција. Голманот Столе Димитриевски исто така порача дека Македонија денеска мора да победи.

Ерменците во Скопје пристигнуваат по една мини-серија од две победи и во подобра форма од нас, но тоа не мора ништо да значи ако избраниците на Милевски вечерва бидат на очекуваното ниво.