Македонија останува на 65-то место на ФИФА ранг-листата

Денеска Светската фудбалска федерација ја објави најновата ранг-листа и нема промени за македонската репрезентација.

Имено, македонската машка фудбалска репрезентација и понатаму е на 65-то место на ФИФА ранг-листата, а тоа е нормално бидејќи немавме ниту еден настап изминатиот месец.

И понатаму Македонија има 1.362 поени, а во март ќе стартуваат квалификациите за Светското првенство со дуелите против Романија, Лихтенштајн и Германија. 

Прва и понатаму е Белгија, а во Топ 10 влегуваат уште Франција, Бразил, Англија, Португалија, Шпанија, Аргентина, Уругвај, Мексико и Италија.

Фото: ФФМ