Македонец на Македонец ќе му суди во Лигата на Европа!

Овој четврток ќе продолжат возбудувањата во Лига Европа, а ова натпреварување носи една за нас интересна ситуација.

Имено, МОЛ Види за кој настапува нашиот Бобан Николов ќе се сретне со Челзи во натпревар кој е од исклучителна важност за унгарскиот тим.

Интересно е што на Николов ќе му суди најдобриот македонски судија, Александар Ставрев. На Ставрев ќе му помагаа Марјан Кировски, Дејан Костадиов, Димитар Мечкаровски, Дејан Јакимовски и Никола Караколев.

За Челзи овој натпревар нема преголема важност со оглед на тоа дека е првопласиран во групата со 15 бода, а потоа следуваат Бате Борисов и МОЛ Види со по шест, последен во оваа група е ПАОК.