Македонецот Ристоски реди успеси: Го освои петтиот трофеј со катарскиот Ал Рајан во две години!

Поранешниот македонски одбојкарски селектор Жарко Ристоски го прослави петтиот трофеј во својот двегодишен престој во Ал Рајан, тој и официјално стана шампион на Катар.

Ристоски со својот тим доминираше во големото финале и го совлада Ал Араби со максимални 3:0, а во полуфиналето со истиот резултат беше подобар од Катар спортс. Пред еден месец, Ал Рајан беше победник и во првенството на Западна Азија. Треба да се истакне дека до титулата Ал Рајан стигна со само еден пораз во сезоната.

И минатата година Ристоски беше шампион на Катар, а победи и во Арапскиот клупски шампионат и ланското првенство на Западна Азија. Ал Рајан Ристоски го овди од јуни 2021 година, претходно две сезони беше селектор на Саудиска Арабија.