Лоши вести за Хендерсон и Ливерпул

Капитенот на Ливерпул, Џордан Хендерсон би можел да биде надвор од терените до крајот на сезоната, пренесуваат англиските медиуми.

Хендерсон заработи тешка повреда на мечот со Евертон и извесно е дека ќе биде надвор од терените околу два месеци. Меѓутоа, последните информации говорат дека капитенот на Ливерпул може да ја пропушти целата сезона.

Хенерсон најверојатно ќе мора да оди на операција на препоните, а конечната одлука за тоа ќе биде донесена денес.

Ова е само уште една во низата на тешки повреди кои го погодија англискиот шампион оваа сезона, па тоа е и главна причина поради која Ливерпул е далеку од врвот.

Ова е лоша вест и за англиската репрезентација, бидејќи Хендерсон најверојатно ќе го пропушти и Европското првенство.