Лига на шампиони: Ова е играчот на колото!

Офанзивецот од редовите на Ливерпул доби најмногу гласови во изборот за најдобар играч во првото коло од Лигата на шампионите.

„Црвените“ на стартот од Лигата на шампионите ремизираа 2:2 на домашен терен против тимот на Севиља.

Шпанците поведоа рано уште во петата минута од средбата, стрелец на голот беше Бен Једер, изедначи Фирмино петнаесетина минути подоцна, а до крајот на првиот дел Мохамед Салах донесе пресврт за својот тим. Сепак, навивачите на Ливерпул ги разочара Хоакин Кореа со својот погодок во 72 минута од средбата за конечни 2:2.

Иако во ова коло неколку фудбалери (Меси, Роналдо, Кавани, Стоунс, Кејн) постигнаа по два погодоци, за играч на колото беше избран Мохамед Салах. Тој доби 51% од гласовите, на второто место беше Лионел Меси со 20%, а третото место му припадна на Кристиано Роналдо со 12% од гласовите.

Потоа следуваа Хамес Родригез со 7%, Нејмар со 4%, Лукаку со 3%, Кејн со 2% и Тајсон од Шахтјор со 1%.

Bravo, @22mosalah – voted #UCL Player of the Week! ??? pic.twitter.com/uA75yiTN9e

— #UCL (@ChampionsLeague) September 15, 2017